محشى فلفل ألوان

محشى فلفل ألوان

لو عندك عزومة و هتعملي محشي جدديها بمحشي الفلفل الملون

وقت التحضير : 20 دقيقة
وقت الطهي : 30 دقيقة
الوقت الكلى : 50 دقيقة

عدد الاشخاص 6

الادوات المستخدمه

طاسة
حلة
معلقة
سكينة حامية

المقادير

12 x عدد فلفل أخضر حلو (و أصفر و أحمر)
2 x عدد طماطم (مفرومة)
2 x كوب مرق اللحم
2 x معلقة كبيرة زيت زيتون
1 ½ x كوب ماء
1 ½ x كوب أرز عادى
1 x عدد بصلة مفرومة
1 x معلقة صغيرة فلفل أحمر مطحون (حار)
1 x معلقة صغيرة كزبرة خضراء
1 x عدد فص ثوم مهروس
1 x معلقة صغيرة نعناع
1 x معلقة صغيرة ملح (او حسب الرغبة)
1 x معلقة كبيرة بقدونس طازج (مفروم)

الخطوات

1. فى حلة على النار هنضيف الزيت ونقلب فيه البصل والثوم لحد ما يدبلوا وبعدين نضيف الطماطم ونقلب كويس.
2. هنضيف الأرز والخضار والتوابل والأعشاب ونقلب كويس.
3. هنضيف نصف كوب من المرقة ونستمر فى التقليب, وهنضيف باقى المرقة بالتدريج لحد ما الأرز يستوى نصف تسوية وبعدين نرفعه من على النار.
4. هنقطع رأس حبات الفلفل الملونة ونشيل منها البذور او اللب، وهنحشيها بخليط الأرز.
5. فى حلة هنرص حبات الفلفل و نضيف ماء بحيث يغطى ثلاثة أرباع الفلفل.
6. نرفع الحلة على نار متوسطة لمدة ربع ساعة لحد ما الأرز يستوى كويس وبكده يبقى جاهز للتقديم.. بالهنا والشفا.

محشي.كوم