التاكو المكسيكى

 التاكو المكسيكى

الطريقة الأصلية للتاكو المكسيكى, سر التاكو هو تتبيلة اللحمة المفرومة وهنشرحها بالتفصيل فى الوصفة دى

وقت التحضير : 10 دقائق
وقت الطهي : 30 دقيقة
الوقت الكلى : 40 دقيقة

عدد الاشخاص 4

الادوات المستخدمه

حلة
وعاء زجاجي كبير

المقادير

4 ½ x معلقة صغيرة شطة
1 ½ x معلقة كبيرة دقيق (ذرة)
1 x كوب ماء
1 x معلقة صغيرة بصل (مجفف مبشور)
1 x معلقة صغيرة ملح
½ x معلقة صغيرة بودرة ثوم
½ x معلقة صغيرة بصل (بودر)
½ x معلقة صغيرة بابريكا
1 x عدد مكعب مرقة لحم (مطحون)
½ x كيلو لحمة مفرومة (صافية من غير دهن)
¼ x معلقة صغيرة سكر
¼ x معلقة صغيرة كمون
¼ x معلقة صغيرة فلفل أحمر مطحون (حامى)

الخطوات

1. فى بولة هنخلط دقيق الذرة والشطة وبودرة الثوم وبودرة البصل والملح والبابريكا والكمون والسكر و البصل المجفف والفلفل الأحمر المطحون ومرقة اللحم وهنقلبهم كويس جدا مع بعض.
2. فى حلة على نار متوسطة هنضيف اللحمة المفرومة ونقلبها كويس لحد ما تتحول للون البنى
3. هنرفع اللحمة من على النار ونشطفها كويس بماء ساخن فى مصفاة ونسيبها شوية تنشف وتنزل كل الماء "حوالى 10 دقائق"
4. بعد كده فى حلة على نار هادية هنضيف اللحمة وعليها خليط البهارات والماء وهنقلبهم تقليب خفيف وتترك على النار حوالى 20 دقيقة لحد ما الماء يتبخر.
5. هنقدم التاكو فى خبز التورتيلا المكسيكى وهنضيف عليه الزيتون والخس والجبنة المبشورة واللبنة.. بالهنا والشفا

المصدر: محشي.كوم